新冠肺炎疫情肆虐,口罩、消毒液等產品需求極大,唔少香港商人就發揮自救精神,投入產生產各種防疫產品。

20年養貓經驗

一向從事清潔消毒產品銷售嘅鄭凱謙(Zacharias),已經有20年養貓經驗,先後養過6隻貓。但佢發現,坊間唔少消毒產品都有化學成份,好容易令寵物敏感或者對寵物身體有不良反應。

由於佢一直有接觸清潔消毒產品業務,發現日本以電解技術製造消毒產品,就決心引入香港,並喺香港調配同研發,喺原有嘅技術同基礎上作改良,更適合日常消毒使用,終於製成AQUA PRO+TECH防疫消毒滅菌噴霧,產品不含酒精及防腐劑,以解裂溶菌方式來殺滅細菌和病毒,破壞細胞核,有效殺滅99.99%細菌及病毒,而且對皮膚沒有傷害,嬰兒及寵物都可使用。

香港研發困難不小

不過,Zacharias都認同,喺香港進行研發困難並唔細,佢表示:「香港寸金尺土,租金昂貴,人工支出不低。負責科研,要投放不少時間及金錢,但好多時都唔一定成功。」不過,佢對本地科研又唔係太悲觀:「香港人工雖然高,但依然可找到適合的人才。而且香港市場好,香港人容易接受新事物,較喜歡科研產品。」

香港以至全球面對百年一遇嘅疫境挑戰,Zacharias都睇到正面嘅影響:「香港人經過今次疫情後,對衛生消毒產品有更深入理解,而家好多人都認識BFE、PFE及N95,香港人會去了解衛生及消毒用品內容、技術及認證。作為科技研發,我們很高興客人會去查根問底,等大家都更了解產品。」有危之時亦見到機,Zacharias正係靈活變通嘅香港人最佳寫照。

圖:受訪者提供