喺新冠肺炎疫情期間,有唔少大專院校已經將課堂、甚至考試轉到網上進行。最近就有中大學生投稿到Facebook專頁「CUHK Secrets」,指喺屋企考試期間用手機開住Zoom拍攝電腦螢幕、桌面、周圍環境同學生本人,考試亦要面向牆進行,仲提到WiFi唔穩定導致斷線嘅話,有機會被視為作弊。呢位考生就話,呢啲要求對佢哋嚟講好困難,批評校方無考慮到唔係個個學生屋企環境都能滿足到要求。

有學生表示認同,亦有「離地」學生質疑,一般家庭都有WiFi,就算無都可以去快餐店、咖啡店使用,又話可以叫屋企人坐埋一邊唔好太嘈。又有人認為大學生應該嘗試自己解決問題。

但指有學生就反駁質疑,表示有啲基層家庭屋企環境擠迫,300呎住6個人,就算父母可以保持安持,如果有年幼弟妹,都難免會發出聲量,而且有啲家庭住喺唐樓、離島或村屋嘅話,網絡質素亦成疑,有學生指出留言當日趕功課期間就曾經2次WiFi斷線。

原圖:RTHK