喺美國,新冠肺炎疫情持續,至今已經造成近120萬人確診、近7萬人死亡,為咗阻止疫情擴散,唔少學校都需要暫時關閉,今年畢業生嘅畢業禮亦受到影響。德州一間名為Wylie High School嘅高中,校長Virdie Montgomery覺得畢業禮就咁無咗嘅話,係非常可惜,於是佢揸車去到今年612位畢業生嘅屋企,親自為佢哋送上畢業祝福。

Virdie Montgomery喺12日裡面,總共用咗79個小時、揸咗接近1300公里車,先至去得晒呢612位畢業生嘅屋企。佢每日早上10點鐘出發,夜晚6點鐘返屋企,每日出發前佢都會上載當日路線圖,等學生知道佢幾時會到,佢仲會準備一條朱古力,代替畢業證書送俾學生。

佢仲話希望佢哋將來會記得呢次畢業探訪同埋呢條朱古力,但佢始終都希望能夠喺疫情過後,正正式式舉辦一次真正嘅畢業禮,紀念佢哋嘅成就。

原圖:FB@Virdie Montgomery