新冠肺炎疫情持續,口罩依然係市民嘅必需品行政長官林鄭月娥今日(5日)下午開記者會宣布,將向全港市民免費派發可重用口罩「CuMask」,市民只需喺網上做簡單登記,就可每人獲發一個。

林鄭月娥今日親身戴上CuMask亮相記者會,呢款中文名為「銅芯抗疫口罩」嘅口罩利用銅物料製成,一個可清洗重用60次。Cu係銅嘅化學元素名稱,亦可理解為See you,有「我好想見你」嘅意思。凡持有效香港身份證嘅市民,由聽朝(6號)7點至66號期間上網登記,跟住就可以安坐家中等口罩送到。

除咗CuMask之外,政府將會透過香港郵政,喺6月底向全港市民派發一次性口罩,每戶可獲派一包10個,市民毋須登記、排隊。另外,政府亦會向醫護、院舍、清潔工人等前線員工派發口罩,同時亦會向私營機構醫護提供口罩。至於學生方面,政府會直接向全港小學同幼稚園派發中童口罩,每名學童將獲發2個口罩。

圖:FB@香港電台視像新聞RTHK VNEWS