新冠肺炎除咗令全球醫療系統瀕臨崩潰之外,更加對全球經濟造成巨大打擊,唔少行業都減薪、裁員,有人無工開之餘更加欠債累累。日本知名劍擊運動員三宅諒就係其中一位,不過佢無放棄,反而係兼職外賣員嚟維持生計,積極訓練下年再戰奧運!

原定今年7月舉行嘅東京奧運,受新冠肺炎影響被迫延期,對於一個準備喺奧運場上大放異彩嘅運動員嚟講已經係個壞消息。咁啱三宅諒嘅贊助商又陸續合約期滿,無收入之外佢更要負擔67萬円(約48600港幣)嘅訓練費用,真係屋漏兼逢連夜雨。三宅諒為咗保持自己嘅狀態,同時維持生計,佢最後揀咗做外賣平台個兼職外賣員。雖然第一日返工唔熟路,只係賺到4688円(約340港元),但三宅諒就強調自己唔會放棄,為咗喺疫情後可以去海外訓練同比賽,佢會咬緊牙關解決宜家嘅困境,下年再戰奧運。

圖:網上圖片