全球好多醫護人員正喺度同新冠肺炎作戰,新加坡一位22歲嘅醫學系留學生Dawn Chueh Wei Qing亦緊守崗位。當英國面臨新冠肺炎疫情大爆發嘅時候,佢無返新加坡,更選擇留喺英國照顧新冠肺炎患者。

Dawn係英國紐卡大學(Newcastle University)醫學系3年級嘅學生,當地醫院實習醫護助理。當英國爆發新冠肺炎之後,佢決定留守當地,協助檢查患者嘅血壓同心跳,Dawn話佢無辦法棄病患同同事於不顧。佢近日喺facebook專頁「Honour Singapore」拍片分享當值時嘅所見所聞,佢話,近日見到嘅新冠肺炎患者死亡個案,已超過佢一世人見過嘅死亡人數。Dawn更表示,最難過嘅係見到一名女病患孤獨咁死去,佢嘅屋企人因疫情關係無辦法嚟佢最後一程。

見住患者一個個死去確實會令人傷感,不過,Dawn亦有分享抗疫期間嘅暖心故仔,例如一對確診嘅恩愛老夫婦,佢哋雖然被迫分房治療,但就每日都要通過24小時直播同對方見面,如果中途因技術問題見唔到對方,更會急到即刻㩒鐘求助,非常sweet。最後,Dawn感謝媽媽體諒,多謝佢諒解自己留守嘅決定,仲話自己好快就會返去。

圖:FB@ Honour Singapore