大家都知人多密集、醫院等高危地方比較多細菌病毒,亦都會比較容易感染新冠肺炎,而最近內地同本港專家喺國際期刊《自然》(Nature)發表嘅研究亦都證明呢一點,而最危險嘅就係患者使用嘅廁所。

由內地同本港多位專家發表嘅「武漢兩所醫院的新冠病毒氣溶膠動力學分析」研究,喺2月中至3月初武漢疫情高峰期期間,喺武漢大學人民醫院東院重症及普通病房、武昌方艙醫院病區及廁所、居民社區同超市等地點採集嘅空氣樣本顯示,兩間醫院同公共環境雖然都有發現新型冠狀病毒,但整體來講係安全嘅,而患者使用嘅廁所中嘅氣霧病毒載量就較高。

研究認為,廁所中嘅病毒氣霧可能來自患者嘅呼吸,亦可能來自患者糞便或尿液中攜帶嘅氣霧化病毒。因此,患者大小便沖水過程可能是病毒氣霧傳播重要來源之一。研究亦指出,喺人流聚集嘅超市附近同醫院大樓通道,亦發現一定嘅氣霧病毒載量,可見當人群聚集時,病毒攜帶者同周圍人群有潛在個氣霧傳播風險。團隊提醒大家,良好嘅通風、加強消毒可限制病毒傳播,此外,市民應避免去人多嘅地方,亦要做好個人保護措施。

圖:網上圖片