中學文憑試(DSE)上個禮拜五開考,考評局原本容許考生可以戴唔同類型口罩應考,有考生就戴咗連氣閥N95口罩同俗稱「豬嘴」防毒面具應考。不過尋日考評局就向試場學校發信補充指引,表示考生同考務人員都唔應該喺試場佩戴連氣閥嘅呼吸器,如果考生戴咗呢啲呼吸器去到試場,考務人員可以提供外科口罩要求更換,如果考生拒絕,就要喺呼吸器外戴上外科口罩。

考評局解釋,根據製造商資料,呢啲呼吸器喺使用者呼氣嘅時候,會打開氣閥,令呼氣未經過濾排出,有機會散播病毒,對其他人構成感染風險,考評局同衛生防護中心溝通後,決定禁止試場戴呢類呼吸器。

原圖:新浪