新冠肺炎疫情期間,有唔少國家都面對醫療物資短缺嘅問題,當中包括對重症病人非常重要嘅呼吸機。有外媒報道,已故英國物理學家霍金(Stephen Hawking)嘅家人決定,向劍橋皇家帕普沃斯醫院,捐出霍金生前用過嘅呼吸機,希望可以幫到更多有需要嘅新冠肺炎患者。

報道提到,霍金响2009年開始健康開始惡化,出現呼吸困難嘅情況,有需要用到呼吸機,直至2018年離世。由於而家疫情嚴峻,霍金嘅家人決定將佢嘅呼吸機捐出,幫助有需要嘅患者。霍金嘅女兒Lucy Hawking表示,呢部呼吸機陪伴過霍金走勻全世界,係有一啲唔捨得,但霍金生前曾經多次接受劍橋皇家帕普沃斯醫院嘅治療同照顧,而家疫情嚴峻,醫院係抗疫嘅最前線,所以都決定捐出呼吸機,為抗疫出一分力。

劍橋皇家帕普沃斯醫院收到呼吸機之後,對呼吸機進行檢測,確定適用於新冠肺炎患者,院方感謝霍金嘅家人喺呢個艱難時刻,捐出呢部意義重大嘅呼吸機。

原圖:新華社