大家都知西蘭花好有益,唔單止熱量低,仲含有多種人體必需嘅維他命同礦物質,更被美國癌症研究所列為抗癌食物之一。不過,大家又知唔知點煮先可以充分發揮到西蘭花嘅功效呢?炒?蒸?通通都唔係,答案係先切開西蘭花,擺90分鐘之後再煮呀。

西蘭花之所以具有抗癌功效,係因為佢含有大量硫配糖體(Glucosinolate),硫配糖體經過酵素作用轉化成蘿蔔硫素(Sulforaphane),呢種蘿蔔硫素就係抑制癌症嘅關鍵。不過,無論係水煮定加熱西蘭花,都會大幅減少硫配糖體嘅含量。所以,專家建議西蘭花嘅最佳烹調方式係,先將西蘭花切好,擺90分鐘再煮,因為呢個時候嘅硫配糖體係最豐富嘅,比起一切好就即刻炒嗰陣足足多咗2.8倍。

圖:網上圖片