通常一梳蕉買返屋企,食咗一兩條其他蕉就開始熟到起斑點。唔想香蕉熟得太快?地捫官網教大家簡單3招延長香蕉保存時間。

第一招:用繩子掛起嚟。只要用繩子簡單綁起香蕉嘅根部掛住,就可以減低底部嘅香蕉喺平放情況下,受到上面香蕉嘅長時間壓迫,咁啲蕉就無咁快熟喇!第二招:每條香蕉分開擺。將一梳蕉逐條分開,就可以避免較熟嘅香蕉影響其他香蕉嘅成熟度。最後一招就係用保鮮紙包住香蕉根莖,香蕉本身會釋放乙烯,加快成熟速度,乙烯越多就越快熟。而用保鮮紙緊緊包住根莖就可以減少乙烯產生,咁就可以慢慢歎蕉喇~

圖:Fotolia