受新冠肺炎影響,全球各地嘅學生被逼在家學習,澳洲昆士蘭省一間鄉郊小學,為咗避免學生停課太耐而影響學習進度,用無人機送功課俾學生,真係好新潮喎。

呢間位於昆士蘭省西部鄉郊嘅小學,全校只得8個學生,校長同老師準備咗文具包、功課同筆記,仲有一隻儲存咗學習內容嘅USB俾學生在家學習。不過校方派功課嘅方式好特別,先係揸車載住無人機去每個學生屋企附近,再操控無人機空投功課俾學生同家長。啲學生紛紛跑出草地接住從天而降嘅功課,顯得非常開心,睇來學生都幾受落呢個新奇嘅速遞服務喎。

圖:7news