自從新冠肺炎疫情爆發,絕大部分市民而家出街都會戴返個口罩,可以話係一個最重要嘅防疫物資。喺週三(22日)就有網民喺Facebook群組發文,表示自己喺港鐵欣澳站前往牛頭角站途中,遺失一個裝有3盒口罩嘅白色環保袋,3盒口罩價值過千元,自知搵返嘅機會渺茫,但都睇下有無好心人執到。有唔少網民留言都話,呢個時候搵返口罩嘅機會比起財物更加微,形容係對良心嘅試煉!

結果奇蹟出現,相隔一日(23日)有好心人主動聯絡事主,歸還口罩,而事主亦更新帖文報喜,仲話事件證明香港仍然有好多好心人,並感謝網民協助。

原圖:屈臣氏、RTHK