而家旅客入境香港都要健康申報,不過早前就有新冠肺炎確診者被指隱瞞病史,令人憂慮將病毒帶到社區。泰國有一間醫院就諗到「奇招」,要求嚟到接受新冠病毒檢測嘅民眾發誓,如實交代病史,如果唔係就會病死甚至連累家人。

早前有當地網民發文,話喺醫院門診部見到一個告示牌,上面寫住一段誓言,內容係:「我將如實提供病史細節,如果隱瞞其中任何部分細節或者提供不實訊息,咁我需要醫治嘅任何疾病都醫唔好,甚至會死亡同殃及家人;如果我如實通報、無隱瞞,我同家人將免於任何疾病,並獲得幸福。」

院方表示,咁做都係為咗防止病人隱瞞病史同旅行史,增加醫護人員感染風險。有網民坦言,雖然呢個做法有啲搞笑,但係會比政府強制有用得多。

原圖:FB@Bern Setasak Akeuwejakul、YouTube@時政經濟新聞