繼早前有自稱Dirty Team成員嘅醫生,喺Facebook專頁「HA Secrets」投稿發文話有新冠肺炎病人唔配合治療,甚至叫家人帶樂器、遊戲機去醫院,最近再有護士投稿,批評病人嘅無理要求。

呢名護士聲稱已經喺Dirty Team工作一個月,佢直言疫情爆發以嚟最辛苦並唔係工時長或者裝備唔夠,而係一班「當自己係皇帝」嘅病人。佢提到,有病人一入院就話要住單人房,食唔慣醫院食物要叫外賣,唔肯食藥又要發脾氣,郁啲就要叫院長等等。

佢表示明白病人面對唔少限制,要接受隔離治療,親友又唔可以探訪,但都唔代表可以對醫護人員呼呼喝喝。佢又話,喺公立醫院接受治療,唔係唔可以有要求,但前提係所有要求都要係合理。

原圖:大公報