早前有專家指,隨住夏天到來,新冠肺炎將會有所放緩,但最近內地有研究論文指,高溫高濕環境難以阻擋新冠病毒傳播步伐。

中國南京醫科大學院士沈洪兵、南京醫科大學附屬淮安第一醫院實驗室主管王其龍,上月底喺醫學期刊《JAMA Network Open》發表論文,入面提到之前江蘇省淮安市一家桑拿浴室爆發集體感染事件一名新冠肺炎感染者,去咗一個溫度介乎25℃至41℃,濕度約60%嘅浴室,最後感染咗另外8個人,當中7個人更唔係同呢個感染者同一日去浴室。所以研究人員認為,高溫、高濕環境並唔能夠有效抑制病毒傳播不過研究亦指出,由於呢單集體感染事件缺乏詳細感染途徑嘅信息,研究受到限制。王其龍表示,雖然新冠病毒喺高溫同高濕環境下嘅傳播能力仍需進一步論證,但佢建議大家唔好因為夏天到來,以為疫情會減緩而放鬆警惕,市民應該盡量避免喺密閉環境聚集。

Pixabay