香港新冠肺炎疫情持續,隔離病房就嚟「爆煲」,近日就有一名自稱Dirty Team成員嘅醫生,喺Facebook專頁「HA Secrets」投稿發文,透露病房內「怒不可言的事實」。佢話近期有唔少由外國返香港嘅留學生確診,佢哋大多數都係因為「原國防疫差而逃返香港」,但有部分病人就唔肯配合治療,甚至提出無理要求。

呢位醫生話,有病人要求採取「自然療法」,即係留喺隔離食止痛藥,以及打一啲無乜用嘅抗生素,批評咁搞法有幾多線隔離病房都會唔夠用。佢仲話啲病人都有好多無理要求,甚至連佢哋屋企人都「陪住一齊癲」,佢舉例有病人要求家人送樂器同遊戲機去醫院,佢指出病人隨時會將病毒傳播到呢啲物件上面,就算用消毒火酒清潔都未必完全乾淨,日後帶同呢啲物件出院,有機會導致其他人受到感染。

原圖:中新社