除咗前線醫護人員之外,救護員都係最容易接觸到新冠肺炎患者嘅高風險一群。衞生署衞生防護中心喺社交平台發佈一條短片,訪問咗一名消防救護員蕭敏俊,佢表示救護部隊已經做好最壞打算,但最擔心嘅就係自己染病然後傳染屋企人,佢希望全香港人都可以團結起來抗疫。

 蕭敏俊話救護員站喺疫情最前線,必然會承受一定嘅心理壓力,無百分百嘅保護可以保證唔會受感染。雖然一早已經做好最壞打算,但最擔心嘅就係自己受感染然後傳俾屋企人、朋友。佢說自己雖然未處理過確診嘅病人,但懷疑確診嘅病人就接觸過唔少。蕭敏俊仲話:「要香港好並非一小撮人合作就足夠,一定要全香港人團結才能做到。」

 圖:香港消防處,FB@衞生署衞生防護中心