新冠肺炎疫情持續蔓延,一旦確診感染,無論病情嚴唔嚴重都好,都要配合醫護人員指示,保護自己、保護其他人。不過近日喺廣州一間醫院,就有一位外籍新冠肺炎患者拒絕抽血檢查,期間毆打、咬傷一名女護士。警方已經就事件立案調查,呢名外籍患者喺警方監管下,接受隔離治療。

事件發生喺週三(4月1日)上晝,一名尼日利亞籍新冠肺炎男患者Okonkwonwoye Chika Patrick喺廣州市第八人民醫院隔離病區接受治療,一名汪姓女護士為佢抽血檢查,點知呢名患者拒絕,又企圖行出隔離病房,於是呢名女護士攔住佢,點知就被對方推落地毆打同咬傷。經法醫檢查,呢名女護士臉、頸同腰部都有受傷,均有損傷,佢接受訪問時被問到傷勢嘅時候,都忍唔住落淚。

院方表示,已經加強內部隔離區嘅保安措施,而警方就話已經立案調查,等呢名患者康復之後就會採取刑事強制措施、依法嚴懲。

原圖:微博@聯合參謀部戰略忽悠局