因應新冠肺炎疫情,政府早前對全港食肆實施營運限制,規定每張枱之間距離要有1.5米、每枱唔多於4人、入座率唔超過一半,同埋食客要戴口罩同量體溫。不過最近網上就流傳一段短片,見到有一名女士無戴口罩走入一間連鎖快餐店,被職員拒絕進入,於是就發爛渣、狂鬧職員。

有關短片來自Facebook群組「香港突發事故報料區」,由片段可見,呢名女士無戴口罩進入快餐店之後,職員上前拒絕佢進入,佢開頭就辯稱自己唔記得戴,隨即開始反擊,拒絕離開兼用粗口侮辱職員,仲話奈佢唔何,叫職員即管報警。

唔少網民都批評佢嘅行為,形容佢係恃老賣老,亦有網民反問佢係咪無錢買口罩。

原圖:FB@香港突發事故報料區