自從新冠肺炎爆發以來,大家嘅衞生意識都提高唔少勤力咗洗手不過大家又知唔知用咩洗手最乾淨?台灣東吳大學最近公佈一項研究結果,發現只係用清水洗手,細菌量同無洗手差唔多,而用75%濃度嘅酒精洗手就最乾淨。

東吳大學實驗團隊請測試者用清水、75%濃度酒精同番梘洗手,喺洗手前後抽檢菌落數,結果發現用清水洗手菌落數幾乎跟洗手一樣。而殺菌效果最好嘅係75%濃度酒精,其次係番梘。不過,東吳大學微生物學系主任李重義表示,酒精殺菌力雖然最強,但使用頻率太高可能會傷手。因此,佢建議用番梘洗手,可以去除近9成菌落數。

shutterstock