新冠肺炎全球肆虐,唔少醫護人員都發起「Stay Home, Save Lives」行動,希望市民盡量唔好外出、留喺屋企抗疫。伊利沙伯醫院醫護人員近日亦響應呢個行動,而為咗減少醫護傳播風險,伊院亦重新調整餐廳安排。

伊利沙伯醫院喺社交平台上載一組F8隔離病房護士手持寫有「I stay at work for you, You stay at home for us!」紙張嘅相,呼籲市民留喺家中抗疫、減少不必要嘅社交。佢哋喺堅守崗位嘅同時亦不忘同大家隔住個mon打氣:「請大家出一分力,同心抗疫! 」

為咗應對疫情,伊院重新調整餐廳安排,重新調配座位分佈,並喺休息室加置枱凳,等員工可以獨自進食,減低傳播風險。

圖:FB@伊院通-QEH員工資訊台