新冠肺炎全球肆虐,雖然宜家全球各國都缺口罩,但係我哋都知重用口罩根本就保護唔到我哋,港大更有研究發現,新型冠狀病毒可以喺外科口罩外層存活7日咁耐! 港大公共衞生學院嘅研究結果發現,病毒喺外科口罩外層可存活7日;不銹鋼、玻璃同塑膠等日常生活容易接觸嘅物料上就可存活4日;木材同鈔票則為2日;衣物表面存活1日;紙張同紙巾就只可以存活3小時。除咗物品材料之外,研究同時發現環境溫度對病毒存活時間亦有影響,溫度愈高、病毒存活時間愈短,例如病毒喺22℃可存活4日,而70℃就只存活到5分鐘。 負責研究嘅港大醫學院公共衞生學院教授潘烈文指,病毒喺外科口罩表面嘅存活時間較長,建議市民盡量武唔好重用外科口罩。如果市民擔心可能接觸過受感染人士,可用熱水將衣服浸泡半個鐘之後再洗。 圖:HEHO