喺新冠肺炎疫情底下,除咗前線醫護人員,仲有唔少人都默默緊守自己崗位,一同抗疫。新冠肺炎啱啱爆發之初,香港一罩難求,市民紛紛由世界各地訂購口罩。香港郵政喺農曆新年後一直以「口罩先派」為原則,優先處理內載口罩嘅特快專遞郵件。因此,郵差嘅工作量大增,不過為咗可以盡快將郵件送到市民手上,佢哋不辭勞苦,自願加班做義工,幫手處理郵件。

 衞生署衞生防護中心早前喺社交平台上載咗一段短片,裏面訪問咗一位郵差李華,佢表示,自農曆新年假期後,大量郵件排山倒海咁從世界各地運來,當中好多郵件都註明係口罩或其他消毒用品。為咗盡快將緊急抗疫用品送到市民手上,好多同事收工之後仍然留低做義工處理郵件,就算無加班費,亦唔計較。李華話,「疫情總會有過去的一天,不會無止境延續下去,只要每一個人做好自己的本分,疫情就會很快消失。」

圖:FB@衞生署衞生防護中心,網上圖片