近期大家都好乖咁留喺屋企,不過今次係長期作戰,分分鐘仲要忍多一頭半個月,咁呢段時間留喺屋企做乜好?除咗煲劇同打機之外,有無諗過扮名畫呢?

係呀!係「扮」名畫,唔係畫名畫!原來最近荷蘭有網民在Instagram發起一個名為「隔離與藝術之間 (tussen kunsten quarantaine)」嘅防疫挑戰,邀請大家利用家中三件物品來Cosplay名畫!結果反應極佳,現時已有超過三百個投稿,Followers超過8萬。

喺上載嘅作品之中,可以睇到網民真係創意無限,有人披塊毛巾扮波提且利(Sandro Botticelli)的《維納斯的誕生》,有人用地拖棍扮安格爾(Jean Auguste Dominique Ingres)的《聖女貞德在查理七世的加冕典禮上》,最有趣的,是有人用家中的衣物來扮成蒙德里安(Piet Cornelies Mondrian)的作品。

不過,我諗無人夠膽赤條扮大衛像啩!

圖片來源:IG@tussenkunstenquarantaine


1/呢個細路畫花塊面扮梵谷自畫像,真係好治愈!

2/有人披塊毛巾扮波提且利的《維納斯的誕生》。

3/有人用扮安格爾的《聖女貞德在查理七世的加冕典禮上》,將地拖棍變旗幟。

4/有人用家中的衣物來扮成蒙德里安的作品。

5/更有睡在床上扮《吶喊》。