新冠肺炎疫情喺美國持續蔓延,醫療物資嚴重短缺,美國運動品牌Nike同New Balance先後宣布將會投入生產口罩等防護裝備,提供俾當地醫護機構。

Nike行政總裁John Donahoe早前喺電話會議宣布,會同俄勒岡健康與科學大學(OHSU)嘅團隊合作,生產符合要求嘅口罩等防護裝備,令醫護人員有足夠嘅裝備使用。OHSU之後亦發聲明,感謝Nike嘅努力,並會為生產防護裝備嘅事情上同Nike密切磋商,確保醫護人員安全同福祉。另外John Donahoe嘅太太早前亦聯同現職或曾任Nike管理層嘅朋友,向OHSU捐出700萬美元(大約5,400萬港元),協助對抗疫情。

近日,New Balance亦都宣布正準備生口罩,又呼籲業界一齊承擔防疫嘅重要責任。

原圖:FB@Nike Hong Kong、IG@newbalance