政府今日刊憲,宣布修訂《2020年預防及控制疾病(規定及指示)(業務及處所)規例》,限制運作或暫時關閉包括卡拉OK、麻雀館、美容院、會所、按摩院同夜總會六種處所。當中卡拉OK、麻雀館、夜總會6時起需要關閉14天,而美容院、按摩院同夜總會就可以喺佩戴口罩、提供消毒潔手液同為客人量體溫嘅情況下,繼續營業。連同上週五,政府已經刊憲暫時關閉嘅遊戲機中心、浴室、健身中心、遊樂場所、公眾娛樂場所同Party room,現時合共有12種場所需要限制運作或暫時關閉。

尋日衞生防護中心公布最新疫情,提到發現一個小型群組爆發,有7人喺3月24日去過RED MR唱卡拉OK,當中有5人確診、2人已送到檢疫中心隔離。衞生防護中心傳染病處主任張竹君表示,聚會係高危活動,無論係唱歌、食飯、聚埋一齊傾計等等都係高危,呼籲市民要保持社交距離。

原圖:FB@阿RON ,吴卓羲