早前停泊喺日本橫濱嘅鑽石公主號上爆發新冠肺炎,船上超過700人確診,而船上乘客有超過200人係香港居民。當時政府派出多名來自保安局、入境處、衞生署同醫院管理局嘅職員,去日本協助船上嘅香港人返屋企,高級入境事務主任蔡宇飛亦係其中一個。蔡宇飛近日透過影片剖白自己當時嘅心情,同時多謝香港嘅醫護人員,喺疫情面前始終站喺最前線。

 衞生署衞生防護中心早前喺社交平台上載咗一段片,蔡宇飛喺片中憶起鑽石公主號嘅撤離行動,佢表示自己係團隊入面第一個被派遣到日本協助香港居民嘅成員。去到日本,佢見證香港人喺郵輪行出來嗰一刻,佢覺得有啲感動,有一種完成任務嘅感覺。佢話:「我不敢說是當仁不讓,畢竟這些工作總要有人做。」蔡宇飛仲話,由日本返港後,亦曾經擔心會傳染屋企人,亦因此自願「做廳長」成個星期。佢希望每個香港人都可以喺抗疫呢件事上更團結,搵到屬於自己嘅崗位。

圖:FB@衞生署衞生防護中心,文匯