喺新冠肺炎疫情肆虐期間,為咗保持衞生,大家都要勤洗手,同埋用酒精搓手液消毒雙手。不過用得多酒精搓手液,難免會令雙手變乾,有人就會搽hand cream滋潤雙手,最近本地護膚品生產商,就研製出兼具消毒同護膚功能嘅搓手液,咁就唔使搓完呢支搓嗰支咁麻煩啦!

珍卡兒藥妝(JaneClare)董事總經理李慧賢、董事蔡漢輝表示,喺1月底就有顧客問起,可唔可以研製出同時具備消毒同護膚功能嘅產品。有見及此,珍卡兒藥妝就喺短時間內研製出「草本保濕酒精搓手液」,成份包括天然蔗糖提煉嘅食用級乙醇,以及橄欖油、甘油、蓖麻油同維他命E等護膚成份。

到咗3月,珍卡兒藥妝研製出另一款搓手液「葡聚糖草本保濕消毒精華」,特別之處在於加入咗「β-葡聚糖」,有研究文獻指出「β-葡聚糖」有強效保濕同預防皮膚乾裂功能。呢款搓手液今個月投產,首批生產咗4萬幾支30毫升裝同1萬字100毫升裝,分別賣38元同99元,100毫升裝而家已經賣晒,30毫升裝亦已經賣出大約3萬支,可見呢款新產品係幾咁受歡迎。

原圖:FB@JaneClare、綠色和平