電視劇入面嘅消防員,成日都要面對好多驚險嘅救人場面,但原來現實裏面消防員嘅工作都一樣係搵命搏!一位消防為咗救飛墜落樓嘅伯伯,不惜以身犯險,攬住伯伯半天吊,苦苦支撐到同袍支援,真係睇到個心都離一離。

 有網民喺Facebook群組「巴打絲打『00九吹專區』Facebook Club」入面,以「香港勝在有消防員」為題發布一段短片,只見一位伯伯疑似輕生墜樓,喺大廈外牆半天吊。一名消防員游繩而下,一邊抱住伯伯,一邊撐住牆身,仲要用腳抵住牆邊「借力」。雖然當時有另外2名消防員喺屋內支援,但伯伯不斷郁,更一度除衫掙扎,令抱住佢嘅消防員逐漸滑下,要苦苦支撐兩人重量6分鐘咁耐!好彩另有消防同袍破開樓下單位鐵框支援,最後伯伯同游繩消防員都安全入屋。

完整短片linkhttps://www.facebook.com/542507770/videos/10157745133452771/

圖:FB@巴打絲打「00九吹專區」Facebook Club