喺新冠肺炎疫情期間,市民大眾更加要守望相助,齊心度過「疫」境。最近,一位喺德國生活嘅台灣作家陳思宏,喺社交網站分享佢幫助樓下一位獨居婆婆買日用品嘅經歷,場面令人窩心。

陳思宏睇見疫情嚴重,於是就提出幫佢樓下一位嘅婆婆去超級市場買日用品,佢叫婆婆唔使開門,要避免面對面,喺門罅攝張購物清單出嚟俾佢。婆婆就攝咗一個精緻嘅天藍色信封俾佢,入面有張購物清單同100歐元現金。

陳思宏擔心婆婆唔夠現金喺身,就叫佢唔好出去撳錢,仲話可以之後先計,點知婆婆就話自己幾個禮拜之前就已經拎定一大堆現金。陳思宏見到張購物清單,上面寫咗一啲肉類、蔬果、八卦雜誌、報紙等等,婆婆就話牌子同價錢都無所謂,不過就特別強調啤酒一定要某個牌子,仲叫佢唔好買錯,場面令陳思宏忍唆不禁。

最後陳思宏喺超市買完日用品之後,將婆婆嘅嘢放喺門口,叮囑婆婆要等5分鐘後先好拎,又叫婆婆以後要倒垃圾可以就咁放喺門口,佢每晚都會幫手倒,令婆婆相當感動,仲形容佢係「天使」添。

原圖:FB@Kevin Chen