新冠肺炎肆虐,個個都要買返支漂白水喺屋企看門口,用嚟清潔家居,更有人會帶稀釋咗嘅漂白水出街,隨時隨地消毒鞋底、門柄、廁板等。但係稀釋後嘅漂白水要喺24小時內使用而且漂白水唔可以亂咁溝,不當咁將佢同其他物質溝埋一起會產生化學反應,釋出有毒氣體!

 早前坊間有啲傳聞話,將漂白水同滾水、各種清潔劑等溝埋一齊稀釋,可以增強消毒效果,但其實咁係大錯特錯!因為熱水會令漂白水成分分解,失去功效,而將漂白水同其他清潔劑如潔廁劑等酸性清潔劑溝埋一齊,更加會產生有毒氣體,隨時消毒變中毒!而稀釋後嘅漂白水,就要喺24小時內使用,因為漂白水嘅有效成分會隨住時間分解,擺太耐唔用會影響殺滅病菌嘅效果。

freepik