有「小提琴女王」之稱嘅德國小提琴家安蘇菲.慕達(Anne-Sophie Mutter),日前喺Facebook宣布自己確診新冠肺炎,現時喺屋企隔離。

慕達坦言,一知道自己確診新冠肺炎,覺得簡直係一個「災難」,不過佢諗深一層,自己無吸煙,又唔算老年,估計自己唔算係高危一族。佢呼籲所有人,都要保持健康,唔好吸煙,佢又勉勵其他新冠肺炎確診者要堅強啲,佢嘅精神會同其他患者同在。

慕達又話可以趁呢個機會同所愛嘅人一齊,同埋整理屋企,仲話隔離期間都要打開窗戶,呼籲新鮮空氣,保持樂觀嘅心境,享受音樂。

安蘇菲.慕達係世界知名嘅小提琴家,享譽樂壇30幾年。自佢1976年以13歲之齡首次亮相於國際舞台,其後再以獨奏家身份與卡拉揚合作後,慕達嘅足跡早以遍及世界所有音樂殿堂。《芝加哥論壇報》讚揚佢係現今小提琴家當中,對20世紀後期小提琴曲目貢獻最多嘅一位。慕達為《音樂美國》2011年度音樂家,獲得德國唱片大獎、法國唱片大獎、國際唱片大獎以及幾個格林美獎。

原圖:FB@Anne-Sophie Mutter​