意大利嘅新冠肺炎疫情嚴峻,當地嘅醫療物資嚴重短缺,唔少國家、機構、個人都紛紛伸出援手,張衛健就係其中一個。佢近日喺微博出post, 除咗較早前捐咗醫療物資俾湖北同香港基層市民之外,仲會捐一批醫療用口罩俾水深火熱中嘅意大利,仲話咁做唔係想為自己套光環,而係「想給這個地球村的居民送上多一點愛與正能量」!

 張衛健微博上載嘅相入面有幾個寫住「The mask of Level 2, suitable for medical use」嘅紙箱,紙箱入面係符合Level 2規格嘅醫療口罩,呢批口罩會捐俾意大利抗疫之用。張衛健話自己嘅舉措對於抗疫嚟講,只係杯水車薪、微不足道,希望可以為地球村嘅居民送上愛同正能量,佢更鼓勵大家多做奉獻。

圖:微博@張衛健