近日,內地新冠肺炎疫情開始好轉,確診人數逐漸下降,但唔少國家嘅疫情仍然嚴峻,對防護裝備嘅需求非常大,而供應亦非常緊張。內地北京誼安醫療公司就由1月20日起,無間斷24小時製造呼吸器,喺兩週前滿足內地需求之後,廠房就繼續生產呼吸器,供應國外。

美國重症醫學會就估計,美國會有大約96萬名新冠肺炎病人需要呼吸器協助,但美國現時只有大約20萬呼吸器,可見缺口係非常之大。紐約州長郭謨上週亦表示,紐約州現時有5000幾個呼吸器,但實際可能需要3萬個先夠。

除咗北京誼安醫療公司,負責連接醫療設備供應商同買家嘅貝登醫療平台供應鏈經理吳川樸亦都話,中國所有呼吸器工廠已經達到最大產量,現時收到嘅訂單都係以外國政府居多。

原圖:誼安醫療