平時有啲咩頭痛發燒,大家可能只係習慣買啲消炎止痛藥食。不過買藥嘅時候要留意喇,因為坊間嘅消炎止痛藥或含有「布洛芬」(Ibuprofen)成分,長期服用可能會影響男性嘅睾丸功能,降低生育能力。法國衛生部部長更指,含有「布洛芬」成分個止痛藥,會令新冠肺炎患者病情惡化。

 根據《美國國家科學院院刊》喺2018年發表嘅一份研究報告指,長期使用「布洛芬」,可能降低年青男性嘅生育能力。另外,314日,法國衛生部部長Olivier Veran亦告誡有新冠肺炎症狀嘅人士,唔好自行服用含布洛芬嘅消炎藥,因為咁樣會加重病情。對此,國際權威醫學期刊《刺針》最近一項研究提出假設指,服用含「布洛芬」嘅消炎藥後,有助加強人體嘅一種酶,呢種酶或會加劇新冠肺炎病情。但係,世衛、美國食品藥品監督管理局同英國國民保健署(NHS)都表示,目前未有公開嘅科學證據證明布洛芬會令新冠肺炎病情惡化。而喺有更多證據前,NHS建議最好都係服用含撲熱息痛嘅藥物嚟消炎止痛。

圖:HEHO