新冠肺炎喺意大利嘅疫情嚴峻,導致意大利嘅醫療設備嚴重不足。意大利一間醫院嘅深切治療病房,因呼吸機閥門零件損壞,急需呼吸機。有初創公司就用3D打印技術,將浮潛面罩改裝成呼吸面罩送給醫院,救咗至少10名病人。

 意大利初創公司Isinnova嘅創辦人Cristian Fracassi輾轉得知有間醫院呼吸機短缺,即刻同醫院聯絡,仲同佢嘅工程師團隊包括Alessandro Romaioli,構思出以潛水面罩改裝成呼吸面罩,再利用3D打印技術製作出呼吸面罩。佢哋先打印咗一啲呼吸面罩原型俾醫院測試,得知呼吸面罩有用,兼有10名患者因此獲得治療之後,就再趕製多100個呼吸面罩親自送去醫院。Fracassi話,佢唔打算向醫院收取呼吸面罩嘅費用,認為「這是我幫助全天候工作的醫護挽救生命的方法」。

圖:Isinnova