意大利新冠肺炎疫情持續嚴峻,早前有位72歲神父貝拉德利(Don Giuseppe Berardelli)確診感染,教區特意為佢買入一部呼吸機,希望可以紓緩佢嘅病情,但佢選擇發揮大愛,將呢部呼吸機轉贈俾一位素未謀面、同樣確診新冠肺炎但較年輕嘅患者,結果呢位神父幾日之後就病逝。

有其他神父得悉呢件事之後,就引用聖經一句金句讚揚貝拉德利嘅行為:「人為朋友捨棄生命,人的愛心沒有比這更大了(約翰福音15:13)」。

原圖:Twitter@Laura Ingallinella​