中藥歷史源遠流長,內地之前有研究指中藥有助對抗新冠肺炎病毒,而近日由中國工程院院士鍾南山團隊嘅最新研究更發現,中藥連花清瘟具有抑制新型冠狀病毒嘅作用。

 連花清瘟係內地一種中成藥膠囊,主要療效係清瘟解毒,多用於治療流行性感冒,減少發燒、肌肉酸痛、流涕咳嗽等徵狀。鍾南山研究團隊近日發表一篇名為《連花清瘟對新冠狀病毒具有抗病毒、抗炎作用》嘅論文,論文提到,連花清瘟對一系列流感病毒具抗病毒同免疫調節作用。研究人員使用CPE同空斑減數實驗後發現,連花清瘟可顯著抑制SARS-CoV-2喺細胞中嘅複製,並顯著降低促炎細胞因子嘅產生。論文總結指,連花清瘟可抑制病毒嘅複製,影響病毒形態並喺體外發揮抗炎活性。

 連花清瘟膠囊等中藥雖然可以有效減輕炎症,但係鍾南山就強調必須喺醫生指導下用藥。

圖:新華社