新型冠狀肺炎具有高傳染性,但新冠嘅隱形患者初期嘅病徵唔明顯,甚至無病徵,有時檢測結果亦都呈假陰性,實在令人防不勝防。港大嘅醫學團隊就發現唾液含有大量病毒,認為深喉唾液嘅檢測效果較佳,建議喺社區廣泛推行測試,用嚟搵出隱形患者,減低疫情進一步喺社區爆發嘅機會。

 港大及瑪麗醫院專家組成嘅團隊喺醫學期刊《刺針》發表研究發現,今年122號到212號嘅23名確診新冠肺炎嘅病人,佢哋感染嘅第一個星期,體內已有大量病毒,但佢哋唔少人感染初期嘅徵狀輕微,甚至無病徵。研究又比對抽痰、抽血、驗尿同糞便等檢測病毒嘅方式,發現病毒抗體喺感染後710日先出現,所以喺病發初期抽血驗抗體嘅方法可能會出現「假陰性」。而由於唾液含有大量病毒,研究團隊認為深喉唾液檢測效果較佳,建議可以喺社區廣泛推行,䀆快搵出社區入面嘅隱形病人。

 港大微生物學系臨床副教授杜啟泓指,新冠肺炎病毒有異於沙士,沙士嘅病毒數量喺第二個星期先係最高。佢又呼籲,市民千祈唔好輕視病徵輕微,就以為一定唔會係新冠肺炎。

 圖:醫院管理局