新冠肺炎全球蔓延,多個國家嘅醫療系統都受到嚴峻考驗。為咗阻止疫情繼續惡化,唔少醫護人員都呼籲市民盡量避免外出,留喺屋企抗疫。尋晚(23號)中文大學醫學院嘅社交平台亦上載咗多張名醫教授高舉「I stay at work for you. You stay at home for us」、響應呢個行動嘅相。

 參與響應呢個行動嘅教授有莫慶堯醫學講座教授沈祖堯教授、內科及藥物治療學系系主任許樹昌教授、腫瘤學系系主任莫樹錦教授、賽馬會公共衞生及基層醫療學院院長黃仰山教授、內科及藥物治療學系腦神經科主任莫仲棠教授、内科及藥物治療學系黃秀娟教授、腫瘤學系龍浩鋒醫生同陳林醫生。佢哋都高舉寫住「為了你,我堅守崗位;為了我,請你堅守在家」嘅字句影相,呼籲大家減少不必要嘅社交活動,齊齊留喺屋企抗疫。

圖:FB@CUHK Medicine