香港至今已經有超過300宗新冠肺炎確診個案,近日有多名患者都曾經去過蘭桂坊消遣,令人憂慮蘭桂坊會成為「病毒黑點」!其中一名確診者,喺出現病徵之後,連續三日去中環蘇豪區、蘭桂坊一帶,足跡遍佈6條街、9個場所,真係誇張!

呢名35歲患者係第217位本地確診個案,居於西半山高街1號匯賢居,潛伏期內未有外遊,佢喺3月13日開始腹瀉,喺東區醫院留醫,不過之後佢連續3日去到中環消遣,去過利街、德己立街、砵甸乍街、閣麟街、雲咸街同蘭桂坊一帶餐廳、酒吧流連。

原圖:大公報