自從「打邊爐家族」新聞一出,個個都擔心打邊爐會染上新冠肺炎,唔敢幫襯,令香港火鍋店嘅生意大受影響。四川成都一間火鍋店近日復工,針對疫情推出「隔離火鍋」,用布簾隔開每張餐台,形成一個獨立小包廂,以保障顧客用餐安全。

 火鍋店老闆將原本密集嘅餐台隔開擺放,再喺每張台上面掛起布簾,拉埋布簾就形成一個獨立包廂。而每張台又放咗一個「呼叫器」,方便顧客呼喚侍應。基於衞生考慮,火鍋店又使用一次性餐具、餐盒。店主表示,呢種新做法主要希望顧客可以食得放心,如果顧客鐘意,疫情過後亦唔排除長期維持。

圖:中新網